1.
Ich setze doheim, jemütlich op dem Klo,
`ne Westernroman, en Packung Marlboro.
Ich wullt mir jrad die Zweite anmaache,
doh hat ich ob einmol janixmieh zoh laache.
Ob minger Packung, ich han noch ens hin jekuck,
es en schwatz-wiess en Dudesanzeig jedruck.
Refr.
He Marlboro-Mann, dat es doch wohl nit wor?!
He Marlboro-Mann, wat lesse ich dann doh?!
Om Pääd, met Zerrett un Hoot un immer jot jesinnt,
saach mer jez bloss, dat dat nit stimmp.
2.
„Rauche es tödlich“ su wor däh ezte Sproch.
Dat dät mer wieh, su wie `ne Kieferbruch.
Ich kräht `ne Schock, ming Jeseech veel op d`r Ääd,
doh soch ich Dich, ob Dingem Pääd.
Lederstiffel, Spore, brungjebrannt sühs immer joot uss,
wat die schrieve, dat es doch secher Stuss?
Refr.
He Marlboro-Mann, dat es doch wohl nit wor?!
He Marlboro-Mann, wat lesse ich dann doh?!
Om Pääd, met Zerrett un Hoot un immer jot jesinnt,
saach mer jez bloss, dat dat nit stimmp.
3.
Ich soß em Kino, met `nem super Schuss,
doh lesse ich, met der Potenz es och bal Schluss.
Ming Lunge wäden plötzlich schwer wie `ne Stein
un doh es och noch dat fiese Trecke zweschen d`r Bein.
Doch dann sin ich Dich ob dem Pääd en d`r Prärie,
he mir dät ob einmol janix mieh wieh.
Refr.
He Marlboro-Mann, dat es doch wohl nit wor?!
He Marlboro-Mann, wat lesse ich dann doh?!
Om Pääd, met Zerrett un Hoot un immer jot jesinnt,
saach mer jez bloss, dat dat nit stimmp.
4.
Ich mooht zum Arbeitsamp, brooht `ne neue Job.
Doh daach ich mich tritt e Pääd für de Kopp.
Suh eh Schild, dat dürfen die doch janitt schrieve.
Doh stunt: „Raucher müssen drusse blieve!“
Okay, daach ich Du määhs he keene Stunk,
maach mer en Kipp an un setz mich nevven dä Hungk.
Refr.
He Marlboro-Mann, dat es doch wohl nit wor?!
He Marlboro-Mann, wat lesse ich dann doh?!
Om Pääd, met Zerrett un Hoot un immer jot jesinnt,
saach mer jez bloss, dat dat nit stimmp.
5.
Wie off han ich met Dir un Johnny Walker röm jelaalt.
Doch vun all dem häss Du mir niemols jet verzallt.
En unser Stammkneip darf ich Hück nit mieh erenn
un üvverhaup, dich han ich och ald lang nit mieh jesinn,
nur ob dem Steckbreef, an enem schwatze Brett,
„Wantet , Marlboro-Mann. alive or dead.“
Refr.
He Marlboro-Mann, dat es doch wohl nit wor?!
He Marlboro-Mann, wat lesse ich dann doh?!
Om Pääd, met Zerrett un Hoot un immer jot jesinnt,
saach mer jez bloss, dat dat nit stimmp.
November 2003 - B.Kox