Stern inaktivStern inaktivStern inaktivStern inaktivStern inaktiv
 

Refr.

C&A han sich jefunge,
och der Knack, der hätt sing Back.
Emil hätt sing Detektive
un wat han ich? Ich han Dich!

1.

De janze Welt es sich am trenne, Mensch dat määht doch keene Sinn.
Ich lierten Dich lieben un och kenne, Du bes minge Hauptjewinn.
Treu sin es doch nitt verbodde un och secher nitt verkeet,
losse maache wat se wulle, doch mer machen doh nitt met.

Refr.

Wash and Go es noch zohsamme.
Dick un Doof erinner Dich.
Biene Maja und dä Willy
un wat han ich? Ich han Dich!

2.

Zosamme Levve kann mer liere, wenn mer sich vun Hätze maach,
zosamme kämpfe, strigge, hühle un für allen Dingen laach.
Du fängs mich op, wenn ich ens falle un baus mich immer widder op,
ben ich schlech dropp un rede Unsinn, joh dann wisch´s Du mer de Kopp.

Refr.

Tim un Struppi, Klaus un Klaus,
Mini liebt die Mickey Mouse.
Susi hätt Strolchi ganz für sich
Un wat han ich? Ich han Dich!

3.

Dat Beste wat mer jeh passiert es, es dat ich Dich jetroffe han.
Dich zoh liebe es dat Grösste wat ich je erlevve kann.
Dich irjendwan ens zoh verliere wör en riesen Katastrof.
Dat Du och suh denks ming Hätz, dat es dat wat ich mer erhoff.

Refr.

Kurz un Bündig, lebenslänglich.
Drunter un Drüber unvergänglich.
Strich un Faden, Komma un Strich,
un wat han ich? Ich han Dich.

August 2004 - B.Kox

Die Liebe es en Wanderschaff bei der mer metenander schaff

Freitag, 29 03 2024

Wir nutzen Cookies auf unserer Website. Einige von ihnen sind essenziell für den Betrieb der Seite, während andere uns helfen, diese Website und die Nutzererfahrung zu verbessern (Tracking Cookies). Sie können selbst entscheiden, ob Sie die Cookies zulassen möchten. Bitte beachten Sie, dass bei einer Ablehnung womöglich nicht mehr alle Funktionalitäten der Seite zur Verfügung stehen.