Ich jläuv ich ben krank,
han nitt alle Tasse mieh em Schrank.
Mer meint et kaum
han nit alle Latte mieh em Zaun.
Ich ben ´ne besonders schwere Fall
ich mein ich han se nitt mieh all.
Wat mich an mir stürt,
ich han dä Knall noch nit jehürt.
Fröhling
Wie lang sull et noch dure, ich hald et kaum noch uss,
de ezte Krokusse stecken ald de Kopp erus,
als wullten ´se ens lure, wie dann et Wedder es,
lang kann et nitt mieh dure, dann süht mer och de Rest.
Bewertung: 5 / 5
Dae Ahl
Em Kopp nit janz klar, dat es secher nit doll
sitz hä em Rollstohl, de Windele voll.
Hä kann kaum noch spreche, es och söns nitt jesund,
de Seifer, der läuv ihm uss dem Mungk.
Hä hätt üvverall Ping, et es wirklich schad,
wat hätt der Mann en singem Levve ald alles jemaaht.
Hä wor Ingeneur, hätt Fluchzeuge gebaut,
hätt sich en janze Menge zohjetraut.
Et es erstaunlich un nit jelore
hä hätt die Maschine och selver jeflore.
Hä hätt de janze Welt vun bovve jesin
jetz sitz hä en dem Rollstohl dren.
En Frau, zwei Kinder drei Enkel sujar,
für sie wor hä immer de jrußeStar.
Hus, Auto un Jade, der Famillich zum Wohl
jetz sitz hä en dem blöde Rollstohl.
Anjewiese ob Andere, suh liev hä hück,
evver dat hä ens wie ihr wor, verjesst dat nit.
Wenn ich dohbei an uns Oma denke
dä Satz „Ich will keenem zur Last falle“
kannste Dir schenke. Versproche!
Oktober 2017 – B.Kox
Bewertung: 5 / 5
Dinge Stän
Ich ben Dinge Stän, ich pass ob Dich op
öm dat jot zoh mache, ston ich extra fröh op.
Ich leuchte Dir hell un ben immer klor
dun Dich jot beschütze, dofür ben ich doh.
Hallo RW
jet steihs Du he
ob minger Homepage wot joh och Zick
ich ston ald suh lang ob Dinger Sick.
Ich will eh paar Anekdöcher verzelle
Neue un och ahle Kamelle,
denn eins han mer Zwei ald immer em Blick
dat es uns fünfte Johreszick.
Bewertung: 5 / 5
Viva Colonia will ich et nenen
et weiht esu heiß, minge Iglu weiht brenne
muss mich beihle, dat et bal steiht,
weil Morje et Trömmelche widder jeiht.
Gon och jet fröher en et Bett,
denn Morje drink ich ene met
om elf Uhr elf es et suh wick,
dat weiht en superjeile Zick.
He ihr Hundehalter, et wör nit verkeet
ihr lurt ens jet genauer wohin Ühre Fifi määht.
Bitte nit ob de Bürgersteig, doh hürt et doch nitt hin,
alles en die Kacktüt, dat mäht doch wirklich Sinn.
He ihr bekloppte Hundehasser
Ihr wäd joh immer krasser
´ne Hungk es keine Köter
un Geff es keene Köder.
Hürt op met dem Dress wägen dem Dress
lurt wie et vür Alle am Beste es.
Dä ein mäht fott dä Dres
dä Andere hürt op met dem Dress.
März 2015 – B.Kox
Bewertung: 5 / 5
Willst Du ming Dräume dräume
Wilst Du all ming Dräume dräume?
Willst Du nix vun mir versäume?
Willst Du alles vun mir wesse?
Willst Du nix vun mir verjesse?