- Details
-
Zugriffe: 3113
Satt mache es secher nit singe Zweck.
Uss Mandele jemaaht, es evver keen Jebäck.
Weckelt mer et uss singem Zellefan,
dann mäht dä Jeruch dich wirklich an.
Enne janz wieß un usse schwatz,
hätt ov jedem Weihnachtsteller singe Platz.
Och es dat lecker, wat schmeck dat jut,
suh eh herrlich, frisches Marzipanbrut.
Dezember 2013 – B.Kox
- Details
-
Zugriffe: 12222
De dunkle Johreszick es widder doh
minge Früngk, dä Fuchs, es nit mieh doh.
Stolz stuns Du doh un lurtes ob de Stross
Du levs nit fott, Du wors dä Boss.
Es doh einer wie verröck jeras
udder häs Du einfach nit opjepass?
Ich ben traurig un ich han Wut,
minge Früngk dä Fuchs es duut.
Et wot keene jruße Bohei jemaaht,
Du wots einfach an de Rand jelaaht.
Doh liss Du jetz janz einfach nur,
der Rest, dä regelt de Natur.
Januar 2016 – B.Kox