Melodie: Gute Nacht Freude  Reinhard Mey

Maaht et jot Fründe, et weiht Zick für mich zoh jon,
Wat ich noch zoh saren hätt, bei Üch wor et widder nett
un hätt richtig Spaß jemaht.

Hat vellmols Dank für dä Daach un die Naach unger Ührem Daach.
Für alles, wat ich bei Üch jejesse un jedrunke han.
Für dä Teller, den ihr mir doh zoh jestellt,
et wor dat Selbstverständlichste ob de Welt.

Maaht et jot Fründe, et weiht Zick für mich zoh jon,
Wat ich noch zoh sare hätt, durt nur en Zijarett
un en letztes Kölsch em ston.

Danke für die Zick, die mir jeschwad han
für Ühr Geduld, ich ming Meinung sare kann.
Dat Ihr nie jefrocht , wann ich komme udder jon.
Hat immer die Dür op en der ich jetz ston.

Maaht et jot Fründe, et weiht Zick für mich zoh jon,
Wat ich noch zoh saren hätt, bei Üch wor et widder nett
un hätt richtig Spaß jemaht.

Danke für die Freiheit, die doheim bei Üch wohnt,
Dat ihr och nie frocht, wat et brenk, ob et lohnt.
Vielleicht lit et doh dran, dat mer vun Drusse denk,
Dat en Ührer Finster, dat Leech vell wärmer schink.

Maaht et jot Fründe, et weiht Zick für mich zoh jon,
Wat ich noch zoh sare hätt, durt nur en Zijarett
un en letztes Kölsch em ston. 

Maaht et jot Fründe, et weiht Zick für mich zoh jon,
Wat ich noch zoh saren hätt, bei Üch wor et widder nett
un hätt richtig Spaß jemaht.

Oktober 2020 - B.Kox

(Melodie:Rapper´s Delight, The Sugar Hill Gang (deutsch, G.L.S.-United)

Sach ens Hip-Hop, the hibbe, the hibbe-dibbe Hip Hip-Hop to the Beat
Un och Hip Hop, the hibbe, the hibbe-dibbe Hip Hip-Hop to the Beat

(Erry)
Hey, et es ald lang her, ich weiß janit mieh, wie et suh richtig anfing.
Et wor hüchste Zick, de Beatles Sound, dä ich einfach super fand.
Et jov Eilemann, Horst Muys, Millowitsch un dä Jupp Schmitz.
Et wor kein Szene doh, du gläuvs et nit, nirjendwo spelten Bands ob d´r Bühn.
Ich sat für die Junge, doh machen mer met, he jehüren mer hin,
De Schohn uss, de Söck uss un dann met Bläck Fööss avv ob d´r Bühn.
Jet Stones, jet Beatles, jet Shadows un Kinks, met kölsche Texte dat muss her.
Wie die Beatles rocken mer avv Hück, de kölsche Fasteler.
Jet üvver de Minsche, de Lück uss dä Stadt, en der mer eh suhjän sin.
Dat muss doch jon, mer rocken av, met Rock, met Beat un met Swing.
Et jov ne hip, ne hip, ne Hippy Hippy Shake, 
etz wullten se uns suh nit,
Un ha-ha, Ha Ha,ha, „Mer losssen d´r Dom...“, sangen se all met.

Melodie: Du lässt Dich gehn, Charles Aznavour
                Tu t`laisses aller

Ich ben suhlang jetz schun allein,
en mingem Zemmer he em Heim.
Die Pandemie mäht mich beklopp,
mer fällt de Deck he ob d´r Kopp.
De Mundschutz immer vürm Jeseech,
dat es joh schlemmer wie em Krech.
De Pänz ald lang nit mieh jesin,
dat mäht doch alles keene Sinn.
De Mitarbeiter he em Hus,
halen dä Stress bal nit mieh uss.

Refrain nach „From a Distance“, Bette Midler

Met jet Afstand,
schaffen mir dat och, jo och,
denn einer es für dä Andere doh.
Met jet Afstand, zwei Meter sin jenoch
kutt maht met, dat schafft Ihr secher och.
Met jet Afstand, helfen mir doch all met,
denn Corona betriff uns schleslich all.
Es ne jruße Dress, mäht uns all vell Stress,
un et triff de janze Welt.

Met jet Afstand,
jetz wessen mir joh wie et jeiht,
eijentlich es et joh, janz leich.
Met jet Afstand, zwei Meter sin schon jenoch,
kutt maht met, dat schafft Ihr secher och.
Met jet Afstand, helfen mir doch all met,
denn Corona betriff uns schleslich all.
Es ne jruße Dress, mäht uns all vell Stress,
un et triff, de janze Welt.

Dä Herr pass op uns op, dä Herr pass op uns op,
dä Herr pass op uns op, met jet Afstand.

Met jet Afstand,
ejal wo Du jrad bes, joh bes.
halt einfach Afstand, et es wie et es.
Met jet Afstand, zwei Meter sin jenoch
kutt maht met, dat schafft Ihr secher och.
Met jet Afstand, helfen mir doch all met,
denn Corona betriff uns schleslich all.
Es ne jruße Dress, mäht uns all vell Stress,
un et triff de janze Welt.
Es ne jruße Dress, mäht uns all vell Stress,
un et triff de janze Welt.

Dä Herr pass op uns op, dä Herr pass ob uns op,
dä Herr pass op uns op, met jet Afstand.
Dä Herr pass op uns op, dä Herr pass ob uns op,
dä Herr pass op uns op, met jet Afstand.

März 2020 – B.Kox