Kratz de Kurv Jupp

kölsche Cover

Melodie: Hit The Road Jack, Ray Charles

Sie: Kratz de Kurv Jupp, mach dich vom Hoff, bliev fott, bliev fott, bliev fott vun he.
        Kratz de Kurv Jupp, ich kann met Dir nit mieh!

Jupp: "Wat säs Du?!"

Sie: Kratz de Kurv Jupp, mach dich vom Hoff, bliev fott, bliev fott, bliev fott vun he.
        Kratz de Kurv Jupp, ich kann met Dir nit mieh.

Jupp: Oh Frauenzimmer kumm, sei nit suh gemein!
           Du bes dat widderlichste Bies, avvjezock ob zwei Bein.
           Ich schätze, wenn ich et richtig verston,
           möht ich ming sibbe Sache packe un jon.

Sie: Kratz de Kurv Jupp, mach dich vom Hoff, bliev fott, bliev fott, bliev fott vun he.
        Kratz de Kurv Jupp, ich kann met Dir nit mieh!

Jupp: "Wat säs Du?!"

Sie: Kratz de Kurv Jupp, mach dich vom Hoff, bliev fott, bliev fott, bliev fott vun he.
        Kratz de Kurv Jupp, ich kann met Dir nit mieh!

Jupp: Kum Schatz, hür zo un han nit suh en Woot,
           denn ich wäde widder kumme un mach alles widder jot.

Sie: Es mir egal, denn Du deihs mir janit jot,
        Du hängs mer ob d´r Täsch..bes ene Vollidiot.

Jupp: Ich schätze, wenn ich et richtig verston, möht ich ming sibbe Sache packe un jon.

Sie: Kratz de Kurv Jupp, mach dich vom Hoff, bliev fott, bliev fott, bliev fott vun he.
        Kratz de Kurv Jupp, ich kann met Dir nit mieh!

Jupp: "Wat säs Du?!"

Sie: Kratz de Kurv Jupp, mach dich vom Hoff, bliev fott, bliev fott, bliev fott vun he.
        Kratz de Kurv Jupp, ich kann met Dir nit mieh!

Jupp: Sach,

Sie: Ich kann met Dir nit mieh!

Jupp: wat säs Du?

Sie: Ich kann met Dir nit mieh!

Jupp:Han ich dat richtig jehot?

Sie: Ich kann met Dir nit mieh!


Jupp:Dat kann doch nit wor sin?


August 2016 – B.Kox

Du häs `ne Früngk

kölsche Cover

Melodie: You´ve got a friend, James Taylor

Wenn Du fix un fädich bes,
un nix ob de Reih mieh kres
du dringend Hilfe bröchs,
un ene Frünk han möhts.

Mach ding Aure zo
un denk an mich,
dann wäd ich bal doh sin,
un zohsamme
packen mir dat schun, weis sin.

Gank met Gott

kölsche Cover

Melodie: Here´s to You, Ennio Morricone, Joan Baez
Text nach Agnetha Fältskog 


Gank met Gott, wohin Du och geihs.
Du nur weiß, wie Du zo mir steihs.
Un schles Du och für immer de Dür,
wat Du Dir wünschs, dat wünsch ich Dir.

Gank met Gott, ich denk an Dich.
Weiht et och jetz schwer für mich.
Wat Gestern wor, es hück vorbei
et Glöck, dat brich su leich entzwei.

Päd met decker Fott

kölsche Cover

Melodie: Horse with no Name, America

Et etzte mol Rusemondaachszoch,
en Fußgrupp alles jecke Clowns.
Tamboucorps,Sambagruppe Musik üvverall
en super Stimmung, echt Karneval.
Doch die Päder für mir, dat wor ntt minge Fall
leten einfach alles laufe wie em Stall.
Et wor alles prima och et Wedder wor jot
doch doh die Pääder met dä decken Fott
Refr.
Vür uns en Jrupp Pääder met decker Fott
immer leden seh jet falle, leven Gott.
Mer weiß nit mieh, wor mer noch hintredde sull,
de Stroß met Pippi un Pädeäppel voll.
Bah bah, bah, bah, bah, bah, bah, bah, bah
Bah bah, bah, bah, bah, bah, bah, bah, bah bah.

Angie

kölsche Cover

Melodie: Angie, Rolling Stones

Angie, Angie
wann hürt dä Flüchtlingsstrom ens ob?
Angie, Angie,
wor die all hinsulle, jeiht uns nit en de Kopp.
Ohne ding Vürsurje un Standhaftichkeit
jöven mer secher schun längs ob.
Du verdeens unsere Respekt.
Angie, Angie,
vür Dir doh trecken ich minge Hot.

Angie, Du mähs dat jot
läß Dich nit beirre vun all dä Köpp.
Angie, all die Egos doh
sin suh kleen en Kopp, Hätz un Geist.

Astronaut

kölsche Cover

Melodie: Astronaut, Andreas Bourani

Ich hevve av,
nix hält mich am Boddem,
alles blass un grau.
Ben suh lang nittmieh jeflore,
wie ´ne Astronaut.

Mer lauven röm han de Schnauz voll un de Köpp leer.
Setzen em Dreck bis zum Hals, han Löcher em Hätz.
Ertränke Surge un Probleme en enem Becher Wing
met enem Lächeln uss Stein, uns fällt nix Besseres en.

Mer han Murge schun verjesse, wer mir gestern noch wore
Han uns all voll jefresse un verjesse zu zahle.
Lossen alles stohn un lieje vür mieh Asche un Stöpp.
Mer wullen all dat et pass evver passen nit op.

Die Stemm der Vernunft es längs verstummt, mer hüren se nit mieh
denn manchmol han mer dat Jeföhl, mer jehüren he nit hin.
Et jit kein Vür- un keen Zohröck mieh, nur noch unge un ovve.
Einer vun hundert Millionen, n´ne kleene Punk üvverm Boddem.
Ich hev av.

Ich hevve av,
nix hält mich am Boddem,
alles blass un grau.
Ben suh lang nittmieh jeflore,
wie ´ne Astronaut.
Ich sin die Welt vun Ovve
de Rest verblasst em Blau
Ich han Zick un Raum verlore,
he bovve, wie ´ne Astronaut.

Em Dunkle der Naach,
he Bovve es alles friedlich, doh unge jeiht et av.
Mer all draren dohzoh bei, doch brechen unger der Last.
Mer hoffen ob Gott, doch han dat Wunder verpass.

Mer bauen immer hüher, bis et en et Unendliche jeiht.
Fast achmillarden Minsche, doch de Minschlichkeit fehlt.
Vun he Bovven mäht et alles plötzlich janix mieh uss.
Vun he süht mer keen Grenze un de Färve dä Huck.

Dä janze Lärm un nix verstummt, ich hüre üch nit mieh
langsam han ich dat Jeföhl, ich jehüren he hin.
Et jit kein Vür- un keen Zohröck mieh, nur noch unge un ovve.
Einer vun hundert Millionen, ´ne kleene Punk üvverm Boddem.

Ich hevve av,
nix hält mich am Boddem,
alles blass un grau.
Ben suh lang nittmieh jeflore,
wie ´ne Astronaut.
Ich sin die Welt vun Ovve
de Rest verblasst em Blau
Ich han Zick un Raum verlore,
he bovve, wie ´ne Astronaut.

  1. Ob dem Karussell
  2. Zopp am Kopp
  3. Spatz vum Wallrafplatz
  4. Du muss fott?
  5. Wunderschön es uns Welt
  6. Ich han ene Draum
  7. Eh neu Kleid
  8. Kölner Rusemondachszoch
  9. Rude Funke Marieche, haha
  10. Wohre Färve
  11. En Tass Kaffee un en Kipp
  12. Suh schön
  13. Sönnche, Sönnche
  14. ´Ne Kölsche en Düsseldorf
  15. Eh Pissleed
  16. Kathrin
  17. Ich fleje (Je Vole)
  18. Wick, wick weg
  19. Jlühwürmche
  20. Nur de Zick
  21. Du bes für mich eh Fest
  22. Dofür sin Fründe doh
  23. Ich wäde Dich immer lev han.
  24. Wenn et ob et Engk anjeiht
  25. En dem rude Kleid
  26. Du bes wie eh Feuerwerk
  27. Ob uns
  28. Du bes en mingem Hätz
  29. Rusemondach am Rhing
  30. Ein mol sin mer uns widder
  31. He hallo Du lecker Mädche
  32. Danke für de Musik
  33. Wick, wick weg
  34. Kleene Fesche wääde jruß

Seite 5 von 11