Willst Du ming Dräume dräume
Wilst Du all ming Dräume dräume?
Willst Du nix vun mir versäume?
Willst Du alles vun mir wesse?
Willst Du nix vun mir verjesse?
Aldi Lidl die I sing,
machen manchmal gar kei Sinn
Meistens gibt es keinen Penny,
dohbei sing I doch so many.
Sing auf Bühnen und am Deich man,
wurde trotzdem noch nie reich man.
Un is dann mal mein Lauf doof,
sing i draussen vor ´nem Kaufhof.
Ich wor neulich em Schwarzwald, dat wor allerhand.
De Köh draren doh Glocke, dat han ich nit jekannt.
De janzen Dach dat bimmele, die Köh wäden doch bestuss,
´ne Minsch wör längs beim Arzt, met schwerem Tinnitus.
September 2015 – B.Kox
Wenn ich ens jon
Wenn ich ens jon, doht nit zohvill truere
doht mich nit allzohlang bedure.
Sit fröhlich un möchlichs jot drop
ich fahr doch schliesslich nur erop.
Sunndaachmorje
Sunndaachmorje halve sibbe ich jon mem Hungk,
runder an de Rhing, es für uns alle zwei jesund.
Scheffe fahren erop un eravv,
ich jläuv, die han de janze Naach jeschaff.
Dann kummen ich noh Hus, flöck ´ne Kaffee jemaht,
ov de Terras, en de Liejestohl eh Schlöfje jemaaht.
Vülche zwitschere ihr Leedcher öm de Wette,
als wenn se jet zoh jewinne hätte.
Eh Kätzje kütt vun de Naach noh Huss,
met nem Müsje em Maul, dem Frauche zom Jruß.
Uns Oma es für uns et jröste Jlöck.
En uns Familich es Sie et beste Stöck.
Se es stets aktiv un jeden Daach op Jöck.
Trotzdem hätt se Zick, zum Stoppe unserer Söck.