Tränche

Refr.
Ob beim Laache udder beim Traurigsin
eh Tränche muss bal immer sin.
Dröm scham Dich Dinger Trohne nit,
denn wer eh Tränche verdröck,
schenk vum Hätzje eh Stöck.

1.
Tränche sin ehrlich un belege uns nit,
klor wie Wasser dat uss dem Hätzjer Dir kütt.
Se rinne üvver et Jesech, wie ´ne Zauber
un maachen dohbei de Siel Dir sauber.

Refr.
Ob beim Laache udder beim Traurigsin
eh Tränche muss bal immer sin.
Dröm scham Dich Dinger Trohne nit,
denn wer eh Tränche verdröck,
schenk vum Hätzje eh Stöck.

im Original aus Bayern

De Neujohrsglocke lügge vun üvverall her,
am Himmel eh glitzernd Fuermeer.
Rakete steige ob, voller Glanz, janz steil un jrad,
em janze Land weiht Fürwerk jemaaht.

De Sekt dä schümp un Jläser klinge,
anjestoße weiht zum Jlöckwunschbrenge.
Ob eh neu Johr voll Jesundheit, Erfolg un Jlöck,
kaum einer lurt noch ob dat ahle Johr zohröck.

De Mechte han dofür och jakeein Zick
vür luuter Staune, zum Himmel de Blick.
Vun alle Sigge weiht jeböllert un jeschosse,
et Urakel weiht jefroch un Blei weiht jejosse.

Vielleich sin joh eh paar wirklich noch am sinniere,
wat weiht wohl nächstes Johr passiere?
Blieven mer jesund? Han mer Arbeit un han mer Fredde?
Wat weiht sin, wat weiht sinn, manch einer deiht bedde.

Nix es jewiss, keiner weihst wie et kütt
söns wöt mer wahrscheinlich och verröck.
Wenn mer immer wös wat weiht un wie et kütt,
wat em Levve alles vür einem litt.

Doh deiht et jot, wenn en d´r Silversternaach
Prost Neujohr jewünsch weiht, met Bedacht.
Mer spürt, dä meint dat suh, met Jeföhl,
dat jeiht en et Hätz un en d´r Siel.

Die et nit erns meine, denne et nix bedück
wor nix dohinger es, die jit et och die Lück.
Die saren joden Rötsch un Tschüß,
suh dat bei uns nitt üblich es.

Wor es doh et Jemüht un de Hätzlichkeit,
wenn et en eh neu Johr eren jeiht.
Nee jläuv mer, suh sach ich dat nit.
Bei mir krett noch jeder en d´r Aure ´ne Bleck.

Ich wünsch allen un dat han ich mer vürjenomme,
dat se jesund blieve un en d´r Himmel komme.
Dem Herrjott singe Segen jehürt dohzoh, wie wor
Suh wünschen mer Kölche eh Prost Neujohr.

Mensch ich hat ene dolle Draum,
jede Minsch kritt ene eijene Baum.
Kaum bes Du etz öns ob d´r Welt,
weiht dinge Baum ald opjestellt.

Du muss im Wasser brenge un pfleje
darfs Dich evver en singe Schatte läje.
Noh eh paar Jöhrche, weißte sin,
sitzt Du en Dingem etzte Baumhüscher dren.

Hä weiht Dir suh wichtig, Du lurs zoh im op,
et Hüscher röv immernoch: kumm doch erop.
Wenn dat dann ens wirklich esuh kütt,
keener mieh Platz für eh Auto hät.

Üvverall Bäum un grön Blädder satt,
watt en herrliche Luft in unserer Stadt.
Baum an Baum, wie en Peelekett
keener bruch mieh en Umweltplakett.

Juli 2018 – B.Kox

Ich jläuv ich ben krank,
han nitt alle Tasse mieh em Schrank.
Mer meint et kaum
han nit alle Latte mieh em Zaun.
Ich ben ´ne besonders schwere Fall
ich mein ich han se nitt mieh all.
Wat mich an mir stürt,
ich han dä Knall noch nit jehürt.