Refr.
Jetz kütt die dunkle Johreszick
en der et de leckerste Sache jitt.
Ich freu mich suh drop, et es esuh lecker
ob selvsjebacke udder vum Bäcker.
1.
Ich ben doch nit Jeck man, Ich kauf mir ene Weckmann
Dä dun ich janz keck dann en ming versteck dann.
Dä löstije Stropp zwei Rosinge em Kopp
en janz wieße Pief an singen liev.
Es et druße kalt dann weeht dä nit alt
ich weiß et jenau dä schmeck met Kakao.
Spekulatius es eh lecker Jebäck,
wat ich am levste et janze Johr üvver hätt.
Doch bei uns, und at es besonders schick
jitt et dat nur en d´r Weihnachtszick.
Jewürze wie Kardamom, Gewürznelke und Zimt
surje dofür, dat et Aroma stemmp.
Un wenn Du dropp lurs, et es koot verzällt,
weiht Dir och noch de Nickolausjeschichte verzällt.
Em Advent, wirklich eh muss,
dä leckere Spekulatius.
Refr.
Jetz kütt die dunkle Johreszick
en der et de leckerste Sache jitt.
Ich freu mich suh drop, et es esuh lecker
ob selvsjebacke udder vum Bäcker.
Se sin nit langsam, sit mer nit kott
se sin iher schnell un zwar schnell fott
se schmecken wirklich jedem lecker
selvs jebacke udder vum Bäcker.
Zimtschnecke sin eh Sößjebäck
wat nit nur en Skandinavien schmeck.
Doh sin se beliebt un sehr bekannt
un wäden Kanelbulle jenannt.
Kaum eine Zentimeter jruss un rund,
pass et jot en minge Mungk.
Singe jroße Broder lit never Fleisch un Jemös,
evver dat Kleen, dat es suh zuckersöß.
Mer bruch se och nit lang zoh koche,
se schmecken och noch noh zwei Woche.
En Zimt un Kakao jot enjeweckelt,
domet et singe Jeschmack entweckelt.
Pass jrad suh ob eh Löffelche
ming Marzipankartöffelche.
Refr.
Jetz kütt die dunkle Johreszick
en der et de leckerste Sache jitt.
Ich freu mich suh drop, et es esuh lecker
ob selvsjebacke udder vum Bäcker.
September 2026 B.Kox